Is-sewwieq Ġermaniż Nico Rosberg għaddej minn dik li forsi hi l-aqwa fażi tal-karriera tiegħu fil-Formula 1. Is-sewwieq tal-Mercedes rebaħ żewġ rebħiet fl-aħħar tliet tiġrijiet, l-ewwel f’Monaco u t-tieni fi Silverstone.
Madankollu minkejja l-forma tajba li jinsab fiha bħalissa, fi żmien li jinsab inqas minn 50 punt taħt il-leaders Sebastien Vettel, Rosberg jinsisti li m’għandux jitqies bħala konkorrent għat-titlu dan l-istaġun.
Bil-Grand Prix li jmiss isir f’raħal twelidu, il-Ġermanja u minkejja li huwa wieħed mill-favoriti li jirbaħ fl-imħatri online Nico Rosberg ma jarax lilu nnifsu bħala favorit għar-rebħ, dan għaliex is-sewwieq tal-Mercedes kellu diffikultà biex jimponi fl-imħatri. GP tal-Ġermanja, li kellu l-aqwa riżultat tiegħu kien ir-raba’ post fl-2009, fl-aħħar staġun tiegħu ma’ Williams.
Bis-sena sejra tajjeb għat-tim tal-Mercedes, Rosberg jemmen li l-missjoni tiegħu hi li jipprova jassigura li jaħdem tajjeb ma’ sieħbu, il-Brittaniku Lewis Hamilton, biex it-tim ikun jista’ jikseb riżultati tajbin.
“Aħna ffokati biss biex inżommu l-momentum għaddej, niffukaw fuq tiġrija waħda kull darba u nieħdu l-aħjar minn kull tiġrija. Dan għamilna fl-aħħar ftit tiġrijiet, li kienu meraviljużi għalija, u naraw x’jiġri f’dawk li jmiss. Ma rridx naħseb fuq it-titlu mondjali mill-ewwel,” beda jgħid Rosberg.
“Żgur li huwa żmien tajjeb fil-karriera tiegħi. Hija esperjenza ġdida għalija għax qatt ma kelli karozza daqshekk veloċi bħal issa, immur għal kull tiġrija u naf li nista' niġġieled fil-kwalifikazzjoni għal post fuq quddiem,” żied jgħid.
“Il-karozza qed titjieb fit-tellieqa u għalhekk naf li hemm ċans li nista’ nżomm il-pożizzjoni tiegħi ta’ kwalifikazzjoni u dan huwa sensazzjoni tajba,” temm jgħid.
Ta’ min isemmi biss li f’dan il-mument Nico Rosberg jokkupa s-6 pożizzjoni fil-Kampjonat tad-Dinja tas-Sewwieqa bi 82 punt, b’Mark Webber (Red Bull) fil-5 pożizzjoni b’87, Lewis Hamilton (Mercedes) fir-4 pożizzjoni b’89. , Kimi Raikkonen (Lotus ) fit-3 post b’98, Fernando Alonso (Ferrari) fit-2 post b’111 u fil-vantaġġ hemm is-sewwieq Ġermaniż tar-Red Bull Sebastien Vettel b’132 punt.
Il-Grand Prix li jmiss isir nhar il-Ħadd li ġej fil-Ġermanja, f’Nurnurgring, innota li tkun tista’ tara t-tiġrija tal-f1 online.
