Konna mdorrijin naraw lil Ferrari jirbħu sena wara sena fil-Formula 1, iżda sfortunatament dawk iż-żminijiet spiċċaw. Mill-2008 'l hawn, il-Ferrari ma tafx x'inhi tirbaħ fil-kompetizzjoni ewlenija fl-isport tal-muturi, u milli jidher mhux se tkisserha dalwaqt...
L-istaġun il-ġdid tal-Formula 1 għadu lanqas biss beda u Luca di Montezemolo, il-“kap kbir” tal-Ferrari, diġà wera pubblikament id-dispjaċir tiegħu bil-karozza l-ġdida tad-ditta Taljana, b’referenza għad-diffikultajiet li ilha għaddejja minnhom il-Ferrari f’dawn l-aħħar snin. biex tkun tista’ tiġġieled għall-ewwel post fil-Formula 1.
Montezemolo b’mod ċar poġġa pressjoni fuq it-tim tekniku tal-Ferrari: “Tkellimt ma’ Alonso u qal li hemm ħafna punti tajbin fil-karozza, iżda se jieħu ftit taż-żmien qabel ma tiżviluppa l-potenzjal veru tagħha peress li l-karozza trid tkun ‘mikxufa’. . F’Melbourne biss inkunu nafu fejn qegħdin. Nittama li l-previżjonijiet huma żbaljati, u jekk le, irrid inkun naf kemm se tieħu sekondi biex kollox ikun tajjeb.”
Il-problema hi li Pat Fry, id-direttur tekniku tal-Ferrari, diġa wasal biex jgħid li l-bidu tal-istaġun iwiegħed li ma jħallix it-tifosi bi tbissima fuq fommhom, saħansitra stqarr li l-podju (fl-Awstralja) se jkun 'il bogħod... ukoll 'l bogħod... Fernando Alonso, is-sewwieq ewlieni tal-Ferrari, għamel magħruf ukoll id-diffikultajiet li ffaċċjat l-Iscuderia f'dawn l-aħħar żminijiet, meta qabbel il-Ferrari tal-2012 mal-forma baxxa ta' Messi u Iniesta.
Iktar riċenti, il-president tal-Ferrari qal f’intervista ma’ La Gazetta de lo Sport li ma jogħġobhomx dawn il-karozzi tal-Formula 1, peress li l-aerodinamika tgħodd 90% u t-teknoloġija KERS biss tista’ tintuża fil-karozzi ta’ kuljum.
Li hu żgur, hu li s-snin jgħaddu u t-titli lanqas biss jarawhom, imma l-iskużi...
Test: Tiago Luís