Desde xullo de 2015 o Grupo PSA (Peugeot, Citroën e DS) leva a cabo un programa de probas de modelos autónomos, en condicións reais e en varios países europeos. Na mañá deste mércores (12 de xullo), un destes modelos –neste caso un Citroën C4 Picasso– atravesou por primeira vez a peaxe de Saint-Arnoult-en-Yvelines, a máis grande de Europa, sen intervención algunha do condutor.
Realizada en condicións reais de tráfico, esta experiencia resulta do desenvolvemento do vehículo autónomo para o Nivel 4 (“mind off”, sen supervisión do condutor). Tamén é a culminación dun programa de desenvolvemento que uniu o Grupo PSA á rede VINCI Autoroutes, líder europeo entre operadores de autoestradas e infraestruturas.
Pierre Coppey, presidente de VINCI AutoroutesA mobilidade atópase nun punto de inflexión da súa historia, afrontando cambios de comportamento e prácticas que transformarán a experiencia de conducir e viaxar na estrada. Para que os vehículos do futuro sexan realmente autónomos, deben estar conectados á infraestrutura intelixente que estamos a desenvolver.
un proceso complexo
Para un vehículo autónomo, a transposición dunha zona de peaxe resulta ser un proceso complexo, xa que require unha capacidade adicional de xestión de caudal ao achegarse a unha zona de peaxe, e estas zonas adoitan caracterizarse pola ausencia de marcas no alcatrán. O reto é dirixir a traxectoria do vehículo autónomo para que entre automaticamente no corredor de peaxe.
Como tal, o Citroën C4 Picasso en cuestión estaba equipado cun equipamento electrónico de peaxe especial; ademais, instalouse un sistema de guiado a 500 metros da barreira de Saint-Arnoult, e modificouse o propio sistema de información de peaxe para garantir o paso dos vehículos autónomos.
