Desde o xeado Círculo Polar Ártico ata temperaturas de case 50 º C nas dunas de Dubai, o Jaguar E-Pace foi sometido a un intenso programa de probas. O obxectivo de Jaguar é conseguir que, máis que un SUV dirixido aos amantes da condución, o E-Pace sexa capaz de acadar o mesmo rendemento en calquera tipo de terreo e condicións meteorolóxicas.
Como parte deste programa de probas, que durou 25 meses en catro continentes, desenvolvéronse máis de 150 prototipos.
Desde o esixente circuíto alemán de Nürburgring ata a pista de probas de alta velocidade de Nardo, pasando polos desertos de Oriente Medio e os corenta graos por debaixo do Círculo Polar Ártico, os enxeñeiros de Jaguar puxeron a proba as capacidades do novo E-Pace.
Graham Wilkins, "Enxeñeiro xefe de produtos" de Jaguar E-PaceO noso equipo de enxeñeiros e expertos en dinámica de renome mundial desenvolveu e perfeccionou coidadosamente o novo Jaguar. Meses de rigorosas probas en estradas e circuítos de todo o mundo permitíronnos desenvolver un SUV compacto de alto rendemento que conserva o ADN de prestacións de Jaguar.
O novo SUV compacto de Jaguar fará a súa última proba durante a súa presentación mundial, que terá lugar o vindeiro xoves (13 de xullo), demostrando a "combinación de axilidade e excelentes prestacións". Que tipo de proba? A marca británica prefire manter o misterio... incluso teremos que esperar ata o día 13.