Toyota volverá ao Campionato do Mundo de Rallyes (WRC) da FIA en 2017 co Toyota Yaris WRC, desenvolvido por ela, no centro técnico situado en Alemaña, en Colonia.
Toyota Motor Corporation, a través do seu presidente Akio Toyoda, anunciou nunha rolda de prensa, celebrada en Tokio, a entrada no WRC, ademais de presentar ao Toyota Yaris WRC a súa decoración oficial a nivel mundial.
Durante os próximos 2 anos, TMG, responsable do desenvolvemento do coche, continuará co programa de probas Toyota Yaris WRC, co fin de prepararse para a súa entrada a esta competición, na que xa ostenta 4 títulos mundiais para pilotos e 3 para fabricantes conseguidos ao longo a década de 1990.
O Yaris WRC está equipado cun motor turbo de 1,6 litros con inxección directa, que desenvolve unha potencia de 300 CV. Para o desenvolvemento do chasis, Toyota utilizou varias técnicas, como simulacións, probas e prototipado.
Aínda que se confirmou o programa oficial do WRC para Toyota, seguirán o desenvolvemento e a posta a punto dos detalles, que requirirán equipos dedicados de enxeñeiros e especialistas para facer o coche aínda máis competitivo.
Varios pilotos novos xa tiveron a oportunidade de probar o coche, como o francés Eric Camilli, de 27 anos, que foi seleccionado do programa de pilotos júnior de Toyota. Eric incorporarase ao programa de desenvolvemento do Yaris WRC xunto co gañador do rally francés do Tour de Corse Stéphane Sarrazin, que acumula a tarefa de piloto de Toyota no Campionato do Mundo de Resistencia da FIA, e tamén Sebastian Lindholm.
A experiencia e os datos obtidos axudarán a Toyota a prepararse para a tempada 2017, cando hai que introducir unha nova normativa técnica.