O último Lexus LFA saíu da fábrica de Motomachi, un dos 500 producidos. O Lexus LFA súmase oficialmente á lista dos coches máis exclusivos do mundo.
Case 170 persoas participaron na produción deste superdeportivo. A carrocería do Lexus LFA é un 65% de fibra de carbono de grao F1 e debaixo do motor montaban un V10 de 4,8 litros con 560 CV, un dos motores máis rápidos e vivos da industria da automoción. Máis que un coche, para Toyota, o Lexus LFA foi unha experiencia. Construír un coche a partir dunha folla en branco foi un reto que, tras superalo, deu coñecemento e madurez á construtora xaponesa.
Desde o inicio da súa produción, coñecíase que en decembro de 2012 se produciría o último LFA e o 14 de decembro aconteceu, ao rematar as 500 unidades e a razón dunha unidade por día de traballo, tal e como prevía o empresa construtora ao inicio da produción. Este último, de cor branca, chega co Paquete Nürburgring, un merecido extra para a marca de 7:14,64 lograda nunha volta ao circuíto. Hoxe despedímonos dun coche que xa é unha icona e que sen dúbida marcará os próximos modelos máis deportivos da marca.
Texto: Diogo Teixeira