A festa da montaña, ou Rampa da Falperra (como prefirades) volveu esta fin de semana a Sameiro. Motores, gasolina, velocidade e competición volveron facer que o corazón dos milleiros de persoas que se desprazaron ata o mítico outeiro de Braga para ver latexar de novo esta cita internacional.
A rampla de Falperra é coñecida polas altas velocidades que se poden alcanzar nalgunhas partes do percorrido, como a zona previa á freada da curva da morte (nome sui generis…), onde se alcanzan velocidades superiores a 200 km/h. o italiano Simone Faggioli controlouse a 248 km/h na pasada edición. Este ano o piloto José Luis López foi "captado" a 249 km/h nun Audi A4 DTM.
Este ano a Rampa da Falperra celebra a súa 36 edición, puntuando varias veces o campionato de Europa de montaña e consagrando algúns dos grandes nomes internacionais da especialidade. Andrés Vilariño e Okatar Kramsky mesmo foron homenaxeados este ano pola organización.
Alí estivemos con André Vieira e captamos parte da esencia desta fin de semana na Rampa da Falperra, que podedes apreciar nesta galería de imaxes. Esperamos que vos guste!
