Cando sabemos que estamos no reino do absurdamente excéntrico? Cando pensamos en recrear parte da cidade de Mónaco dentro dun iate.
Ten 155 metros de lonxitude e 295 millóns de euros de pura extravagancia levantados ao máis infinito. Falamos de “The Streets of Monaco”, un súper iate que recrea, nunha versión «portátil», parte da cidade de Mónaco. Cereixa enriba do bolo? Ten unha réplica a gran escala do Circuito de F1 de Mónaco no seu interior. Entre un chapuzón e un “mojito” sempre está ben unha carreira de karts, non cres?
Aínda que a pista de karting é o principal punto de interese para nós, os que se cansan das catro rodas sempre poden divertirse nalgunha das diversas piscinas, jacuzzis, minisubmarinos ou motos de auga. Se todo isto non chega, simplemente podemos coller o helicóptero e ir a tomar un café a Belém, ou a Miami... Depende de onde queiras atracar na túa cidade de Mónaco de «algibeira».
O proxecto foi desenvolvido por Yacht Island Design, unha empresa que ata agora non atopou compradores dispostos a "embarcarse" neste proxecto. Podes ver o proxecto completo aquí.
Fonte: DailyMail