Unha versión con contidos totalmente relacionados coa marca dirixida a traballadores, concesionarios e afeccionados ao sector da automoción.
SEAT creou un Trivial Pursuit con contido exclusivamente dedicado á marca, incluíndo a súa historia, gama de vehículos, produción e outras curiosidades. SEAT convértese así na primeira empresa española en lanzar o seu propio Trivial corporativo e na primeira do sector da automoción a nivel mundial en adaptar os contidos do popular xogo de mesa.
Con este xogo SEAT pretende ofrecer aos traballadores, clientes, concesionarios e amantes do automóbil un xeito lúdico de coñecer a marca máis a fondo.
"A que modelo de SEAT foron premiados os gañadores dos Xogos Olímpicos de Barcelona 92? En que ano comezou SEAT a utilizar a actual imaxe corporativa? Cal foi o primeiro modelo SEAT en ofrecer un sistema de navegación?