Škoda prepárase para presentar publicamente a nova versión de 5 portas do compacto Citigo no Salón do Automóbil de Xenebra a principios do próximo mes de marzo.
Se nos seguides a diario, de seguro que notastes que este evento helvético traerá moitas novidades para o mundo da automoción e o Citigo é só unha máis delas...
Este novo modelo supón para a marca checa Škoda a entrada no segmento dos compactos urbanos; como sabes, esta é unha categoría que experimentou un enorme e rápido crecemento nos últimos tempos. Škoda afirma que "o Citigo está entre os modelos máis compactos da súa categoría e, ao mesmo tempo, entre os máis espazos".
O novo compacto checo estrea o novo logotipo da marca Škoda e comparte a mesma plataforma que VW up! e o Seat Mii, algo que se nota bastante. Ademais destas novidades, o Citigo está equipado cun novo motor 1.0 litros de 3 cilindros, con dous niveis de potencia: 60 CV e 75 CV. Pero a gama só se completa coa variante máis ecolóxica, a “Green tec”, cun consumo medio de 4,1 litros cada 100 km e só 96 g/km de emisións de CO2.
O Citigo xa foi lanzado ao mercado checo, pero esta versión de 5 portas só estará dispoñible no resto do continente –xunto coa versión de 3 portas– a mediados do próximo mes de maio.
Texto: Tiago Luís