O novo Audi A4 atópase entre os vehículos máis seguros da súa categoría despois de acadar 5 estrelas nas probas Euro NCAP, en canto a seguridade activa e pasiva.
O modelo tamén recibiu o premio “Euro NCAP Advanced” polos sistemas Multicollision Brake Assist, que evitan que o vehículo se quede sen control ao frear despois da primeira colisión, e polo Audi Pre Sense Basic, destinado a medidas de protección preventiva para ocupantes en situacións perigosas, como o aumento da tensión dos cintos de seguridade e o peche das fiestras e do teito solar.RELACIONADO: Xa levamos o novo Audi A4
Audi tamén asegurou o máximo valor en seguridade integral, con parámetros superiores ás medidas avaliadas por esta entidade. Un dos sistemas centrais de seguridade do novo Audi A4 é o Audi Pre Sense City: a velocidades de ata 85 km/h, o sistema "observa" a estrada en relación cos demais usuarios e avisa ao condutor dunha colisión inminente en diferentes niveis: aviso, freada de aviso e freada automática de emerxencia.
Os sistemas de asistencia tamén contribuíron á boa clasificación do Audi A4. O sensor de aparcamento traseiro, o control de crucero, o limitador de velocidade axustable e o sistema de detección de fatiga do condutor ofrécense de serie. Ademais, o novo A4 pode estar equipado con asistente anticolisión, asistente de xiro e asistente de saída.