Audi prepárase para seguir os pasos de Mercedes-Benz e centrarse na Fórmula E, xa na próxima tempada.
Ano novo, nova estratexia. Despois de 18 anos á fronte da competición de resistencia, con 13 vitorias nas prestixiosas 24 Horas de Le Mans, como era de esperar, Audi anunciou este mércores a retirada do Campionato do Mundo de Resistencia (WEC) tras esta tempada.A noticia deuna Rupert Stadler, presidente do Consello de Administración da marca, quen aproveitou para confirmar a súa aposta pola Fórmula E, unha competición con gran potencial, segundo el. "A medida que os nosos coches de produción se fan cada vez máis eléctricos, tamén o fan os nosos modelos de competición. Imos competir na carreira polo futuro da propulsión eléctrica”, afirma.
VER TAMÉN: Audi propón A4 2.0 TDI 150cv por 295 €/mes
“Despois de 18 anos excepcionalmente exitosos na competición, está claro que é difícil marchar. Audi Sport Team Joest deu forma ao Campionato Mundial de Resistencia durante este período como ningún outro equipo, e por iso gustaríame agradecer a Reinhold Joeste tamén a todo o equipo, pilotos, socios e patrocinadores".
Wolfgang Ullrich, xefe de Audi Motorsport.
De momento, a aposta polo DTM é seguir, mentres que o futuro no Mundial de Ralicrosse está por definir.
Imaxe: ABT