Toyota presentou no Salón do Automóbil de Xenebra a versión cabriolé do seu novo e envexable deportivo, o Toyota GT-86. Pero parece que a noticia non para aí...
Os entusiastas deste deportivo xaponés levan tempo reclamando máis potencia e, segundo Tetsuya Tada, o enxeñeiro xefe da marca, está previsto lanzar unha versión de altas prestacións no futuro. Sen botar unha data sobre a mesa, Tada dixo que a marca está considerando usar turbocompresores, compresores e... un motor eléctrico.
Esta última opción pode entregar máis potencia ao coche sen comprometer a eficiencia do combustible, as emisións de CO2 ou a resposta do acelerador. Pero tampouco é noticia para ninguén que algún sistema híbrido lle engada peso ao coche. Problema que habería que solucionar coa utilización de compoñentes máis lixeiros, unha posible revisión da aerodinámica para combater os cambios na distribución do peso e algún detalle máis que habería que compensar o engadido de peso extra.
Esta novidade irá acompañada dun restyling que terá lugar mesmo antes do lanzamento da segunda xeración deste exitoso modelo.
Texto: Tiago Luís