Volvo presentou este mércores a súa visión para o camión do futuro. Un futuro que non precisa de condutor e que aposta por tecnoloxías de condución autónoma para aumentar a eficiencia do transporte por estrada.
Para Volvo, o futuro do camión vai moito máis alá do vehículo. Supón a xestión integrada da flota a través dun centro loxístico capaz de controlar automaticamente rutas, cargas e outras variables que implican o transporte por estrada.
En canto ao propio camión, que serve de escaparate tecnolóxico á marca, chámase Volvo VERA, utiliza motores eléctricos e é 100% autónomo.
É o fin dos camioneiros?
Non necesariamente. Esta solución é máis unha demostración de capacidade técnica que un proxecto viable na actualidade.
Pasa o dedo pola galería de imaxes do Volvo VERA:
E aínda que xa fose viable, a marca defende este tipo de solucións só para transportes caracterizados por distancias curtas, grandes volumes de carga e alta precisión de entrega.
Lars Stenqvist, director de tecnoloxía do grupo VolvoEste proxecto é un resultado máis das solucións innovadoras que estamos a desenvolver na área de automatización, electromobilidade e conectividade.
Volvo ten previsto aplicar os coñecementos adquiridos en Volvo VERA nos seus camións e autobuses.