O primeiro coche 100% eléctrico producido por Jaguar, o I-Pace, presentouse esta semana ao mundo nunha retransmisión en directo. As ambicións da marca británica son altas para o I-Pace, onde a propia marca non reparou en poñelo a proba fronte ao, ata agora, único SUV eléctrico do mercado, o Tesla Model X.
Antes do comezo da etapa de Fórmula E do campionato da FIA, que se disputa esta fin de semana no Autódromo Hermanos Rodríguez da Cidade de México, o Jaguar I-Pace enfrontouse ao Tesla Model X 75D e 100D nunha carreira de arrastre do 0. a 100 km/h e de novo a 0.
O piloto do equipo Panasonic Jaguar Racing Mitch Evans foi elixido para o volante do Jaguar I-Pace, mostrando a potencia de aceleración e freada do primeiro Jaguar eléctrico puro en comparación cos modelos Tesla, que foron conducidos polo campión da IndyCar Series, Tony Kanaan. .
No primeiro reto, co Tesla Model X 75D, a vitoria do Jaguar I-Pace é innegable. Os protagonistas repiten de novo o reto, esta vez cunha versión máis potente do modelo Tesla, pero o Jaguar I-Pace volve ser o gañador.
O I-Pace conta cunha batería de ión-litio de 90 kWh, cunha aceleración de 0 a 100 km/h en 4,8 segundos, grazas á potencia máxima de 400 CV e á tracción integral. Ademais, combina un rendemento deportivo cunha autonomía de 480 km (no ciclo WLTP) e un tempo de recarga de ata o 80 % en 40 minutos, cun rápido cargador de corrente continua de 100 kW.
