Desde que hai cinco anos sufriu un accidente de esquí nos Alpes franceses, as noticias sobre o estado de saúde de Michael Schumacher foron escasas e moitas veces falsas. Aínda que a familia do alemán segue mantendo un enorme segredo sobre a recuperación de Schumacher, o diario Daily Mail asegura ter información sobre o estado de saúde do sete veces campión do mundo de Fórmula 1.
Segundo o xornal británico, Michael Schumacher saíu do coma e xa non está encamado, logrando respirar sen a axuda dun ventilador. Non obstante, o Daily Mail engadiu que o expiloto segue necesitando unha atención que custará uns 55.000 euros semanais, sendo asistido por un equipo médico formado por 15 persoas.
A información que agora difunde o Daily Mail está en liña coas declaracións de Jean Todt, presidente da FIA e co que Schumacher traballaba en Ferrari, quen afirmou que asistiu ao Gran Premio de Brasil, o pasado 11 de novembro, na casa do alemán. e na súa compañía, e Schumacher sería consciente do seu entorno.
O debut de Michael Schumacher na Fórmula 1 realizouse a bordo dun Jordan no Gran Premio de Bélxica de 1991
Ademais do Daily Mail, a revista alemá Bravo tamén asegura que ten información sobre a recuperación de Schumacher, que asegura que o equipo médico que atende ao alemán preparará o seu traslado a unha clínica de Dallas, Texas, especializada no tratamento de lesións como o aquelas que sufriu o sete veces campión do mundo de Fórmula 1.
Fonte: Daily Mail