Recentemente probamos o Volkswagen Arteon —véxase aquí—, pero quedamos coa sensación de que é posible extraer máis «zume» deste modelo, que a pesar das súas xenerosas dimensións, ten unha dinámica moi interesante.
A resposta aos rezos dos que queren un pouco máis veu de mans de ABT Sportline, que nos presenta a que probablemente será a primeira versión vitaminizada do novo tope de gama de Wolfsburg, o Volkswagen Arteon.
O traballo do preparador alemán centrouse na versión de gasolina de 2,0 litros. A potencia de 280 CV e 350 Nm de par elévase a 345 CV con 420 Nm. O aumento do 20 % da potencia e do par conséguese fundamentalmente coa aplicación dunha unidade de control do motor da propia ABT.
O director xerente de ABT Sportline garante que a fiabilidade do bloque non se vexa comprometida.
Deste xeito, o VW Arteon consegue diferenciarse definitivamente do seu irmán que o orixinou, o VW Passat, destacando aínda máis os seus compoñentes deportivos.
Para garantir non só un aspecto distintivo, senón tamén unha dinámica á altura, ABT tamén equipou esta versión con suspensións deportivas e novas llantas de aliaxe que van de 19″ a 21″. O resultado final convence pola discreción das solucións adoptadas.