Como era de esperar, o Nissan Qashqai encabeza a lista dos modelos máis vendidos da marca en Europa. Juke e X-Trail completan o podio.
Nissan vén de anunciar a venda de 756.762 unidades durante o ano fiscal 2016 (do 1 de abril de 2016 ao 31 de marzo de 2017), o que supón un incremento do 2,6% con respecto ás vendas do mesmo período de 2015. Só en marzo de 2017 as vendas da marca xaponesa no «vello continente» sumaron 107 592 unidades, un 10% máis con respecto ao ano anterior.
Este crecemento é o reflexo do incremento dos volumes de vendas nos principais mercados durante o exercicio 2016: España +13,3%, Reino Unido +7,5%, Italia +4,8%, Francia +4,7% e Alemaña +4,7%.
NON PERDER: Un híbrido desde 240€/mes. Os detalles da proposta de Toyota para o Auris.
Os resultados débense principalmente á gama de crossovers X-Trail, Juke e Qashqai. Só en Europa, o bestseller de Nissan, o Qashqai, vendeu 270.000 unidades, reforzando a súa posición como líder do segmento. Segundo Paul Willcox, presidente de Nissan Europa, a presentación do novo Micra (nas imaxes) impulsará aínda máis as vendas da marca en Europa:“Comprometémonos aos nosos clientes a seguir aportando máis cada ano: máis opcións, máis valor e produtos máis innovadores e emocionantes. Nissan destaca por ofrecer calidade e seguir reinventando e rompendo barreiras cos seus produtos, como demostra o novo Micra, do que xa están a gozar moitos clientes. En 2017, seguiremos liderando novas tecnoloxías importantes, co Nissan ProPILOT que aparecerá no novo Qashqai a finais de ano".