E se vos contamos que esta furgoneta é máis rápida no sprint de 0 a 100 km/h que un Ferrari California T ou un Tesla Model S?
Edna. Así se chama o prototipo de Atieva, unha startup con sede en Silicon Valley, California, formada por antigos enxeñeiros de Tesla e Oracle. A compañía pretende estrearse no mercado cunha berlina con "ollos postos no futuro", un competidor natural do futuro Tesla Model S, que se lanzará dentro de dous anos.Volvendo á actualidade, Atieva vén de presentar un pequeno vídeo das primeiras probas dinámicas do seu motor eléctrico, non cunha berlina senón cunha furgoneta Mercedes-Benz que prestou a súa "carrozaría" para as primeiras probas do sistema eléctrico.
VER TAMÉN: Rimac Concept_One: de 0 a 100 km/h en 2,6 segundos
Con dous motores eléctricos, dúas caixas de cambios e unha batería de 87 kWh, o Edna ofrece un total de 900 CV de potencia. Grazas a esta avalancha de potencia, Edna só necesita 3,08 segundos para alcanzar os 0-60 millas por hora e, polo tanto, é máis rápido que o Ferrari California T e o Tesla Model S, como se mostra no seguinte vídeo.
A autonomía non foi revelada, pero segundo a marca, "superará as limitacións actuais". Podería Atieva enfrontarse aos xigantes da industria do automóbil e unirse a Tesla nesta loita?