Falta pouco máis dun mes para a XII edición do Caramulo Motorfestival, o festival motorizado máis grande de Portugal. O evento está adicado aos coches e motos clásicos e ten como un dos seus momentos fortes a realización da histórica Rampa do Caramulo.
O programa do festival é variado, onde ademais da Rampa se celebrará o Rally Histórico Luso-Caramulo e diversos percorridos e encontros que reunirán máquinas e clubs tan diferentes como o M Clube de Portugal, Ducati, Porsche, Honda S2000 ou Citroën CX. Tamén estarán presentes demostracións con Monster Trucks e Drift.
Por suposto, non podían faltar as exposicións que se desenvolven no Museu do Caramulo, entre as que destaca a exposición “Ferrari: 70 anos de paixón motorizada”.
Durante o festival tamén terá lugar a Feira da Automóbil, na que os visitantes poderán comprar, intercambiar ou vender todo tipo de pezas relacionadas co automóbil. Desde pezas de automóbiles ata miniaturas, desde libros e revistas ata trofeos.
O Caramulo Motorfestival tamén contará con pilotos convidados, como Nicha Cabral, a primeira piloto portuguesa de F1, Elisabete Jacinto ou Pedro Salvador, récord absoluto na Rampa do Caramulo. Nas dúas rodas poderemos contar con Tiago Magalhães e Ivo Lopes, entre outros. André Villas-Boas, antigo adestrador do Zenit San Petersburgo e do FC Porto, tamén estará na Rampa do Caramulo aos mandos do seu BAC Mono, un fantástico monopraza deportivo británico, homologado para a circulación na vía pública.
O Caramulo Motorfestival terá lugar os días 8, 9 e 10 de setembro. Para máis información visita a web dedicada ao festival, aquí.