Mercedes-Benz е лидер во премиум сегментот во Германија, Јапонија, Шпанија, Австралија и во Португалија.
Годинава Mercedes-Benz ја достигна вкупната продажба во 2014 година за само 11 месеци – 1.693.494 продадени единици, 13,9% повеќе од минатата година.Ола Калениус, член на Управниот одбор на Daimler AG и шеф на Mercedes-Benz Cars Marketing & Sales вели:
„Минатиот ноември беше најдобриот досега за брендот. Нашите теренци и компактни модели се меѓу најпопуларните автомобили во светот. Затоа, постигнавме нов рекорд во двата сегменти, кога продадовме повеќе од 50.000 единици.
Во Европа, продажбата во изминатиот месец ноември забележа пораст од 10,5% бидејќи на клиентите им беа испорачани 67.500 единици. Од почетокот на годината до купувачите во овој регион се испорачани 726.606 примероци, што е пораст од 10,8% и нов рекорд на продажба.
C-Class беше подеднакво важна во продажната стратегија на Mercedes-Benz, откако надмина 400.000 единици за само 11 месеци. Од јануари досега се испорачани 406.043 примероци од најпродаваниот модел на Mercedes-Benz. Од почетокот на годината, S-Class го задржа лидерството во продажбата во премиум луксузниот сегмент.
ПОВРЗАНО: 4-годишно дете вози камион Волво
СУВ-овите на Mercedes-Benz исто така поставија нов рекорд во продажба во ноември. Во однос на минатата година, месец ноември е забележан пораст од 26,4% на 52.155 единици. Меѓу најпродаваните модели се GLA и GLC, кои му овозможија на Mercedes-Benz да достигне нов рекорд со своите SUV - 465.338 единици испорачани на своите клиенти.
Новите smart fortwo и smart forfour забележаа зголемена продажба во ноември до 10.840 единици испорачани ширум светот. За само 11 месеци продадени се повеќе од 100.000 единици. Овој раст беше регистриран во суштина во Европа, каде што smart го удвои обемот на продажба.