Марката Кавалино Рампанте го испорача првото Ферари Ф60 Америка...на Флорида. Моделот слави 60 години од присуството на Ферари во САД.
Инспириран од Ferrari F12 Berlinetta, првиот Ferrari F60 America, претставен во 2014 година, беше испорачан минатиот викенд, на 25-тото издание на настанот за љубителите на брендот – Palm Beach Cavallino Classic – што се одржа во државата Флорида. Според италијанскиот бренд, поврзувањето со F12 Berlinetta е наменето да им оддаде почит на љубителите на V12 и Cabriolet моторите.F60 America му беше испорачан на сопственикот „облечен“ во сино-бело (Blue Nart), традиционалните бои на северноамериканскиот тркачки тим (NART), тимот за кој Ферари се натпреваруваше во минатото.
ПОВРЗАНО: Обновеното Ферари Енцо оди на аукција за речиси два милиони евра
Производството на Ferrari F60 America беше ограничено на десет единици и ќе ги задржи сите основни и технички способности на F12 Berlinetta – блок од 6,3 литри V12 кој е поврзан со седумстепен менувач со двојна спојка. Со овој комплет италијанскиот спортски автомобил ветува дека ќе испорача 730 КС и ќе достигне 100 km/h за само 3,1 секунди. Ferrari F60 America доаѓа и со некои забележителни детали, како и ексклузивни предни и задни амортизери, специјално издание на предниот браник од 60-годишнината на брендот на американско тло и неколку детали од кожа и јаглеродни влакна.
Но, ексклузивноста секогаш има своја цена. Во случајот со Ferrari F60 America, таа цена е околу ексцентрични 2,3 милиони евра.
