Италијанскиот бренд за прв пат ја надмина бариерата од 8000 единици и оствари нето добивка од 400 милиони евра.
Тоа беше одлична година за Ферари. Италијанскиот бренд вчера ги објави резултатите за 2016 година и очекувано оствари раст на продажбата и профитот во однос на 2015 година.Само минатата година фабриката во Маранело ја напуштиле 8.014 модели, што е раст од 4,6% во однос на претходната година. Според извршниот директор на Ферари, Серџо Маркионе, овој резултат се должи на успехот на семејството на спортски автомобили V8 – 488 GTB и 488 Spider. „Тоа беше добра година за нас. Задоволни сме од напредокот што го имавме“, вели италијанскиот бизнисмен.
ВИДЕО: Ферари 488 ГТБ е најбрзиот „коњ што рамни“ на Нирбургринг
Од 290 милиони евра во 2015 година, Ферари минатата година оствари нето добивка од 400 милиони евра, што претставува раст од 38%. Пазарот ЕМЕА (Европа, Блискиот Исток и Африка) останува најпопуларен, а потоа следат американскиот и азискиот континент.
За 2017 година целта е да се надмине марката од 8.400 единици, но без да се наруши ДНК на брендот. „Продолжуваме да бидеме под притисок да произведеме SUV, но тешко ми е да видам модел на Ферари кој ја нема динамиката што е карактеристична за нас. Мора да бидеме дисциплинирани да не го деградираме брендот“, коментира Серџо Маркионе.
Извор: ABC