Групацијата Volkswagen денеска го објави стратешкиот план за следната деценија, кој вклучува производство на триесетина нови 100% електрични возила.
„Корегирање на недостатоците од минатото и воспоставување култура на транспарентност, заснована на вредности и интегритет“ – ова е целта на новиот стратешки план на групацијата Фолксваген до 2025 година. Во соопштението, групата објави дека има намера да биде водечки светски снабдувач на решенија за одржлива мобилност, во она што го претставува најголемиот процес на промени во историјата на германскиот конгломерат.Матијас Милер, извршен директор на Групацијата, гарантира дека „целата групација Фолксваген ќе биде поефикасна, иновативна и ориентирана кон клиентите, што систематски ќе генерира профитабилен раст“. Со производството на 30 нови електрични модели до 2025 година, Милер се надева дека ќе може да продаде два до три милиони единици ширум светот, што е еквивалентно на 20/25% од вкупната продажба на марката.
ВИДИ ИСТО: Porsche потврди хибридни верзии за сите модели
Стратешкиот план на групацијата со седиште во Волфсбург – одговорен за брендовите Audi, Bentley, Lamborghini, Seat, Skoda и Porsche, меѓу другите – вклучува и развој на сопствена технологија за автономно возење и нови батерии, како и подобрување на ефикасноста и профитабилноста на нејзините платформи.