Харалд Вестер, извршниот директор на Maserati, веќе ја потврди намерата на италијанската марка да лансира пет нови модели до 2015 година, но според Car & Driver, допрва следува шестиот елемент, поточно компактен кросовер.
Очигледно, овој кросовер ќе се базира на платформа која сè уште се развива специјално за следната генерација на Jeep Cherokee. А доколку се потврдат гласините, Maserati на овој модел ќе му го стави на располагање 3.0-литарскиот би-турбо V6 мотор на новиот Quattroporte. Што дури има некаква смисла... Затоа што ако целта на овој кросовер е да му парира на идниот кросовер на Porsche, Porsche Macan, тогаш ќе биде од суштинско значење да се започне оваа здрава „борба“ за технички карактеристики.
Овој модел првично беше дизајниран да биде дел од тимот на Alfa Romeo, со цел да му помогне на брендот повторно да се афирмира на северноамериканскиот пазар. Сепак, во корист на проширувањето на Maserati, Alfa Romeo направи чекор назад и остави отпечатокот на трозабец да го преземе водството во овој проект. Потег кој се очекува да биде попрофитабилен за групацијата Fiat…
Текст: Тиаго Луис