Околу 1,43 милиони Toyota Prius и Lexus CT200h ќе бидат повикани во сервисот поради проблеми поврзани со страничните воздушни перничиња на предните седишта.
Toyota Motors објави дека ќе ги повлече хибридните модели – Toyota Prius и Lexus CT200h- произведени помеѓу 2008 и 2012 година, поради аномалии во работата на страничните воздушни перничиња на предните седишта.Поголемиот дел од погодените модели беа продадени во Јапонија (околу 743.000 единици) и Северна Америка (495.000). Европа не е безбедна од повлекувањето: околу 141.000 неисправни единици беа продадени во неколку европски земји.
ПОВРЗАНО: Ќе бидат повлечени 800.000 Volkswagen Touareg и Porsche Cayenne. Зошто?
Тојота тврди дека по неколку тестови за издржливост, открила дека малите метални делови од надувувачот на воздушните перничиња може да се проектираат врз патниците во случај на судир, што може да ја загрози нивната безбедност и да предизвика фатални повреди.
Досега нема сознанија за некаков инцидент поврзан со овој проблем со воздушните перничиња.
Извор: Ројтерс