Здравствената состојба на поранешниот Ф1 возач Михаел Шумахер останува критична. Во соопштението објавено во 10 часот, лекарите од болницата во Гренобл рекоа дека не можат да коментираат за иднината.
Михаел Шумахер се здоби со тешки и дифузни повреди на мозокот како последица на тешка траума на главата и има „недефинирана прогноза“. Поранешниот пилот продолжува да се бори за живот по скијачката несреќа во ски-центарот Мерибел на француските Алпи на 29 декември.
Михаел Шумахер 10 минути по несреќата бил пренесен во болницата во Мутиер, каде со оглед на сериозноста на повредите е донесена одлука да биде префрлен во болницата во Гренобл. Во соопштението, болницата во Гренобл соопшти дека Михаел Шумахер пристигнал во кома и во критична состојба. По извршените тестови кои потврдија „многу сериозни повреди“, Михаел Шумахер беше подложен на неврохируршка операција.
Михаел Шумахер, седумкратен шампион во Формула 1, има позната страст за скијање. Поранешниот возач поседува куќа во ски-центарот Мерибел, местото на несреќата.
Првичната вест, изворна во Jornal de Notícias и која најави втора операција, беше променета.