Alfa Romeo ħabbret li fl-aħħar jiem l-aħħar karozza sportiva tagħha, l-Alfa Romeo 4C, stabbiliet rekord ta’ dawra ta’ 8 minuti u 04 sekondi fiċ-ċirkwit emblematiku ta’ Nurburgring tal-Ġermanja. Dan ir-rekord jagħmel lill-Alfa Romeo 4C l-iktar karozza mgħaġġla li qatt saret fil-kategorija taħt il-250hp (245hp).
Il-karozza sportiva żgħira Alfa Romeo lestiet l-20.83 KM ta’ Inferno Verde f’8m u 04s biss, u b’hekk għelbet karozzi sportivi oħra b’mill-inqas differenzi konsiderevoli fil-qawwa meta mqabbla mal-4C...
Din il-proeza meraviljuża nkisbet b’idejn is-sewwieq Horst von Saurma, li kellu 4C mgħammra b’tyres Pirelli “AR” P Zero Trofeo, żviluppati apposta għall-Alfa Romeo 4C, li jippermettu użu ta’ kuljum kif ukoll użu tal-binarji. L-aħħar karozza sportiva ta’ Alfa Romeo b’rear-wheel-drive għandha magna 1.8 Turbo petrol li kapaċi tiġġenera 245 hp u 350 Nm u veloċità massima proġettata ta’ 258 KM/H. U peress li mhux biss il-qawwa li tagħmel karozza sportiva, l-4C għandha piż totali ta’ 895 KG biss.