Michael Schumacher jgħid addio lill-isport bil-mutur fi tmiem l-istaġun

Maħbub minn ħafna u mibgħud minn ħafna, is-sewwieq Ġermaniż Michael Schumacher illum ħabbar li se jtemm il-karriera sportiva brillanti tiegħu.

“Wasal iż-żmien li ngħidu addio. Tlift il-motivazzjoni u l-enerġija meħtieġa biex inkompli nikkompeti,” qal Schumacher, waqt konferenza stampa fiċ-ċirkwit ta’ Suzuka, sit tal-Grand Prix tal-Formula 1 li jmiss.

Kif tafu ħafna minnkom, il-Mercedes (it-tim ta’ Shumacher) kienu diġà ħabbru l-ingaġġ ta’ Lewis Hamilton għall-istaġun li ġej, bil-għan li jieħu post is-seba’ darbiet champion tad-dinja. It-tim Ġermaniż ma kellu l-ebda intenzjoni li jġedded il-kuntratt ta’ Michael Schumacher, u forsi għalhekk Schumacher ħabbar it-tmiem tal-karriera tiegħu.

Madankollu, Michael Schumacher ggarantixxi li kien f’termini tajbin mal-Mercedes, għax jidher li t-tim dejjem żammewh aġġornat b’dak kollu li kien għaddej u qatt ma awgura lis-sewwieq xi ħsara. “Kellhom l-opportunità li jirreklutaw lil Lewis Hamilton, li hu wie[ed mill-aqwa sewwieqa fid-dinja. Xi drabi d-destin jiddeċiedi għalina”, qal il-bdot Ġermaniż.

Fil-fatt, Michael Schumacher qatt ma seta’ jasserixxi ruħu fil-kompetizzjoni minn meta rritorna fuq il-binarji fl-2010. Fi tliet staġuni (52 grand prix), is-sewwieq Ġermaniż irnexxielu jitla’ fuq il-podju darba biss, li juri li tiegħu is-snin tad-deheb spiċċaw meta rtira għall-ewwel darba fl-2006.

Għall-istorja huma l-21 sena ta’ Michael Schumacher fil-Formula 1, li ssarrfu f’aktar minn 300 tiġrija, 91 rebħa, 155 podju, 69 “pole positios” u 77 dawra aktar mgħaġġla. Huwa jew mhux rekord brillanti?

Test: Tiago Luís