BBC do të përforcojë programin Top Gear me Matt LeBlanc, aktorin e serialit “Friends”.
Aktori që i dha jetë Xhoit në serialin e famshëm amerikan “Friends” përgatitet të ndajë fronin e Top Gear me Chris Evans – zëvendësues i Jeremy Clarkson.Informacioni u bë i ditur nga kanali britanik, por vetë Chris Evans ka konfirmuar ardhjen e Matt LeBlanc në Top Gear, duke postuar një fotografi me aktorin amerikan në llogarinë e tij në Twitter. Në të njëjtin rrjet social, LeBlanc shprehu edhe kënaqësinë e tij – “Si një fanatik i makinave dhe adhurues i Top Gear, ndihem i nderuar dhe i lumtur që jam pjesë e kapitullit të ri të këtij programi”.
SHIH GJITHASHTU: Chris Harris testoi trininë e shenjtë në Portimão
Në moshën 48-vjeçare, LeBlanc është prezantuesi i parë jo britanik që shfaq fytyrën e tij në Top Gear, gjë që mund të pasqyrojë formatin e ri që po merr programi britanik. Në këtë kuptim, nuk ka asnjë garanci që do të mbërrijë edhe një prezantuese për të kompletuar treshen tipike me të cilën na mësoi Top Gear “i vjetër”.