Ndotja e ajrit në qytetet e mëdha kineze (dhe më gjerë) është një problem gjithnjë e më shqetësues.
Pekini hyri në vitin 2017 duke regjistruar nivele të ndotjes 24 herë më të larta se maksimumi i konsideruar nga Organizata Botërore e Shëndetësisë si shumë i dëmshëm për shëndetin publik. Problemi nuk është vetëm për shkak të miliona makinave që qarkullojnë në kryeqytetin kinez, por edhe për shkak të numrit të madh të termocentraleve që prodhojnë energji elektrike në Pekin.Kjo video timelapse e regjistruar nga Chas Pope, një inxhinier britanik që jeton në Kinë, tashmë është bërë virale dhe pasqyron mirë progresin e ndotjes në brendësi të qytetit. Janë 20 minuta të kondensuar në vetëm 12 sekonda:
Përveç Pekinit, rreth 20 qytete kineze janë në alarm portokalli për ndotjen dhe dy duzina të tjera në alarm të kuq.
Kujtojmë se disa nga kryeqytetet e botës, si Parisi, Madridi, Athina dhe Mexico City, do të ndalojnë hyrjen dhe qarkullimin e automjeteve me naftë deri në vitin 2025, në përpjekje për të reduktuar ndotjen e ajrit.