Konfirmimi erdhi nga Drejtori i Kërkimit dhe Zhvillimit të Mercedes, Thomas Weber. Gjenerata e re e Mercedes C-Class (W205) do të ketë një version të gjatë të disponueshëm vetëm në tregun kinez.
Disa ditë pasi kemi prezantuar zyrtarisht gjeneratën e re të Mercedes C-Class, një model që tashmë po hyn në gjeneratën e katërt dhe që tashmë ka 20 vite sukses, vjen konfirmimi për prodhimin e një versioni LWB, i disponueshëm vetëm në Kinë. Një version shumë i zakonshëm në tregun kinez të makinave, pasi kohët e fundit disa prodhues gjermanë si Mercedes, Audi dhe Porsche kanë nxjerrë në treg versione të gjata të disa prej modeleve të tyre top enkas për tregun kinez.
Versioni LWB i Mercedes C-Class të ri do të prodhohet në Kinë, ne besojmë me të njëjtat standarde të cilësisë tipike të prodhuesit me bazë në Shtutgart, sipas deklaratave të Drejtorit të Kërkimit dhe Zhvillimit të Mercedes, Thomas Weber. Mercedes C-Class i ri do të jetë 95 mm më i gjatë dhe 40 mm më i gjerë se paraardhësi i tij, masa që padyshim do të "shtrihen" për versionin e ardhshëm LWB.
Prodhimi në territorin kinez nuk është më një çështje e re për Mercedes, pasi prodhuesi "yll" do të nisë prodhimin e motorëve në Kinë për modele të tilla si C-Class, E-Class dhe GLK-Class.