Për të festuar 100 vjetorin e saj, marka gjermane ka zhvilluar një edicion special BMW X3 ekskluzive për tregun japonez.
“Blackout Edition” quhet edicioni i fundit special nga BMW, i integruar në festimet e 100 vjetorit të markës gjermane. Ky është edicioni i 9-të i një sërë versionesh ekskluzive për tregun japonez, i pari për BMW X3.I disponueshëm për versionin xDrive20d me një motor 2.0 litra me 184 kf dhe 380 Nm çift rrotullues dhe transmision automatik me tetë shpejtësi, ky edicion special është i pajisur edhe me paketën M Sport, e cila i shton një prekje sportive SUV-it gjerman. Siç mund ta shihni nga imazhet, e zeza është ngjyra mbizotëruese, nga vetë trupi deri te rrotat dhe grila e përparme.
SHIH GJITHASHTU: BMW i kthehet teknologjive autonome të drejtimit
Brenda, BMW X3 është e pajisur me një sistem zëri hi-fi, sedilje lëkure dhe pedale alumini. "Blackout Edition", i kufizuar në 200 njësi, është planifikuar të dalë në treg në 6 gusht për tregun japonez.
