Në një kohë kur industria e automobilave duket se po përgatit një sulm ndaj kënaqësisë së vozitjes, Porsche mbetet besnike ndaj origjinës së saj.
Ndryshe nga prodhuesit e tjerë, veçanërisht rivalët e saj BMW, Audi dhe Mercedes-Benz, Porsche nuk do t'i dorëzohet trendit të industrisë për makina autonome së shpejti. Oliver Blume, CEO i Porsche, siguroi shtypin gjerman se marka e Stuttgartit nuk është e interesuar në zhvillimin e teknologjive autonome të drejtimit. “Klientët duan të ngasin vetë një Porsche. iPhone duhet të jetë në xhepin tuaj…”, tha Oliver Blume, duke dalluar natyrën e dy produkteve që në fillim.LIDHUR: 15% e makinave të shitura në vitin 2030 do të jenë autonome
Megjithatë, kur bëhet fjalë për motorët alternativë, marka gjermane tashmë ka paralajmëruar prodhimin e makinës së re sportive elektrike, Porsche Mission E, e cila do të jetë modeli i parë i prodhimit të markës pa motor me djegie të brendshme. Përveç kësaj, është planifikuar një version hibrid i Porsche 911.