Gjenerata e 10-të Honda Civic vjen me kredenciale të rinovuara dhe një frymë edhe më sportive.
Variantet e sallonit dhe coupe u zbuluan në fund të vitit të kaluar, dhe pasi nuk ka dy pa tre, Honda do të tregojë prototipin e versionit hatchback me 5 dyer për herë të parë në Motor Show në Gjenevë. Civic i ri do të prodhohet në Swindon të Anglisë, me një investim prej rreth 250 milionë euro.Nuk duhet humbur: Këtu lindi kulti i Honda Civic
Teaser-i më i fundit i markës tregon se gjenerata e 10-të Honda Civic do të adoptojë dritat LED në formë C që janë përdorur në modelet e fundit, si dhe ndenjat më të mëdha të ajrit dhe një tub qendror të shkarkimit. Ashtu si versioni coupé, Honda do të investojë në aerodinamikë dhe një pamje të përgjithshme më sportive.
Sa i përket motorëve, nga versioni me dy dyer pritet i njëjti bllok atmosferik 2.0l prej 160 kf dhe 1.5l turbo prej 176 kf. Honda Civic është planifikuar të prezantohet në Motor Show në Gjenevë, por duhet të arrijë tek tregtarët evropianë vetëm në vitin 2017.