Лансирањето на четири нови модели на SEAT помеѓу 2016 и 2017 година е резултат на рекордна инвестиција во истражување и развој.
Ова го соопшти Лука де Мео, претседател на SEAT, за време на посетата на претседателот на Владата на Каталонија, Карлес Пучдемон, во просториите на марката во Марторел, што се совпадна со почетокот на производството на новата SEAT Ibiza.
Де Мео објаснува дека вкупната сума на инвестиција најмногу била наменета за развој на Ibiza и Arona и адаптација на фабриката Martorell, со цел да се приспособи производството на двата модели. Вредноста од 900 милиони евра е дел од вкупната инвестиција од 3,3 милијарди евра.
„Оваа инвестиција ја покажува нашата посветеност на економскиот развој на земјата и го потврдува нашето лидерство како најголем индустриски инвеститор во истражување и развој. Вложуваме невидени суми за лансирање на нови модели. SEAT игра клучна улога во однос на инвестициите, технологијата, индустријата и вработувањето, како и создавањето богатство и просперитет“.
Лука де Мео
Развиена исклучиво во Барселона, Ibiza веќе се произведува на линијата 1 во Марторел, фабриката која произведува најголем број возила во Шпанија. Новата Ibiza ќе коегзистира, неколку месеци, со претходната генерација.
Почнувајќи од втората половина на 2017 година, оваа иста производна линија ќе го сместува склопувањето на новиот SEAT Arona , новиот компактен кросовер од шпанската марка. Во Марторел се произведуваат и SEAT Leon и Audi Q3.
ПРЕГЛЕД: Мајорка? Виго? Форматор? Како ќе се вика новиот SUV SEAT?
Брендот неодамна ги објави најдобрите финансиски резултати во својата историја, со рекорден оперативен профит од 143 милиони евра. Според SEAT, новата Ibiza ја одразува кулминацијата на фазата на консолидација и почетокот на новиот период на раст, кој се совпаѓа со годината во која шпанската марка ќе ја започне својата најголема производна офанзива.
